ನಾಯಕತ್ವ ಚಿಂತನೆಗಳು

ನನ್ನ ನೃತ್ಯ ಪ್ರವೇಶ ಇಂದು ಅಂತರಾಷ್ಟ್ರೀಯ ನೃತ್ಯ ದಿನ .  ನನ್ನ ಬರವಣಿಗೆಯ ವಿಷಯದ ಮೂಲ ಸದಾ ನೃತ್ಯ ಮತ್ತು ಕಾರ್ಪೊರೇಟ್ ಕಲಿಕೆಯಾಗಿ ದೆ . ಹಾಗಾಗಿ , ನಾನು ಇಲ್ಲಿ ನನ್ನ ನೃತ್ಯ ಪಯಣವನ್ನು , ನನ್ನ ಅನುಭವಗಳನ್ನು ಮತ್ತು ಕಲಿತ ಪಾಠಗಳನ್ನು ಹೊಸದಾಗಿ ಬರೆಯಲು ಶುರು ಮಾಡಿದ್ದೇನೆ . ನನ್ನ ನೃತ್ಯ ಪಯಣವೆಂದರೆ ಅದು   ನನ್ನ ಸುತ್ತ ಸುತ್ತುವ ವಿಷಯ ಮಾತ್ರವಲ್ಲ ; ಅದು ನನ್ನ ಕುಟುಂಬದ , ವಿಶೇಷವಾಗಿ ನನ್ನ ತಾಯಿ ತಂದೆಯರ ಸದ್ದಿಲ್ಲದ ಹೋರಾಟಗಳ ಕಥೆಯೂ ಹೌದು . ನನ್ನ ಮಗಳು ಇವುಗಳನ್ನು ಕೇಳಲು ತುಂಬಾ ಇಷ್ಟಪಡುತ್ತಾಳೆ — ನಾನು ಅವಳಿಗೆ ಈ ಕಥೆಗಳನ್ನು   ಹಲವಾರು ಬಾರಿ ಹೇಳಿದ್ದೇನೆ . ಹೀಗಾಗಿ , ಈ ಕಥೆಗಳು ಈಗ ನನ್ನ ಜೀವನದ ಪಾಠಗಳಾಗಿ ಬದಲಾಗಿವೆ . ಈ ನೆನಪುಗಳನ್ನು ಬರವಣಿಗೆಯಲ್ಲಿ ದಾಖಲಿಸಿಕೊಂಡರೆ ಉತ್ತಮ ಎಂದು ತೋಚಿತು , ಯಾಕಂದರೆ ಇವು ಯಾರಿಗಾದರೂ ಉಪಕಾರವಾಗಬಹುದು ಎಂದು ನಂಬಿದ್ದೇನೆ . 😊 ನನ್ನ ನೃತ್ಯಕ್ಕೆ ಪ್ರಾರಂಭಿಕ ಪರಿಚಯ ನನ್ನ ಸೋದರತ್ತೆ ಯರಿಂದ   ಆಯಿತು . ನಾನು ಅವರೊಂದಿಗೆ ಬೆಳೆದೆ . ಹಿಂದಿನ ದಿನಗಳನ್ನು   ನೆನಪಿಸಿಕೊಂಡರೆ , ನಮ್ಮ ಕುಟುಂಬದಲ್ಲಿ ಸಾಕಷ್ಟು ಪ್ರತಿಭೆ ಇದ್ದರೂ , ಜೀವನದ ಹೋರಾಟಗಳು ಮತ್ತು ಕೆಲವು ಕುಂದು ಕೊರತೆಗಳಿಂದ , ಆ ಪ್ರತಿಭೆ ಹಿಂದೆ ಸರಿದಿತ್ತೆಂಬುದು ಸ್ಪಷ್...